史家三口穿上公園提供的黑白色羽絨外套，在南極奇觀館內，幫企鵝剷雪擦地。 

名氣生活

史泰祖貼錢洗地

皮膚科專科醫生史泰祖，逢週日都帶智障女兒史雋丹「離家出走」，讓她走入人群。今次他跟太太唔怕同大陸人逼，帶埋丹丹去海洋公園，更花錢做護理員，擦地剷雪，好讓女兒有更多生活體驗，點知丹丹忙住 WhatsApp親朋戚友，兩老就返老還童，比廿六歲的囡囡更興奮。

鍾意返工

問丹丹是否不喜歡動物？她口直心快話︰「我鍾意狗，屋企有三隻狗，三年前又有多隻唐狗 Charlotte，我仲有六隻 turtles、一隻貓 Owen、好多雀仔同魚。（企鵝呢？）黑白色好得意，不過我有少少驚，鍾意睇佢哋游水。」
雖然家有寵物，但企鵝不常見，所以當他們一家參加做極地動物護理員，要近距離接觸企鵝、海象時，她顯得戰戰兢兢，緊張地躲在史太 Sonja身後。要落手落腳為企鵝館擦地，史泰祖見她未 warm up，就邊氹女兒邊鼓勵︰「丹丹週一至週六在社企返工，在 café清潔最拿手，有時想叫她星期六唔好返工出去玩，丹丹都唔肯。」在旁的丹丹，半推半就拿上手套準備擦地，問到她喜歡返工嗎？她又答得好爽快，「返工好 fun，好好玩，我好 enjoy。」

幫手替企鵝磅重，唔需要埋身接觸，丹丹比較自在，不久又問：「可唔可以攞電話影相呀？」 

準備食物史醫生鼓勵丹丹幫手炮製企鵝食糧，打趣笑說：「似 daddy做手術。」但她還是很猶豫，嗲住阿媽才肯動手。 

丸仔其實是維他命丸，紅色的啫喱有磷，令企鵝嘴、腳更紅，方便求偶，而每隻企鵝要食廿條魚仔才夠飽。

答問題 

開工前，職員先講解極地動物知識，提醒大家節省能源，史醫生為了令丹丹更投入，即場問她：「 Daddy成日同你講要將冷氣調到幾多度？」 

睇熊貓 

丹丹去到哪裡也忙着影相、拍片，心情靚爆更來張自拍照。 

(繼續閱讀...)