close
Blogtrottr
明星八掛大分享☆ :: 痞客邦 PIXNET ::
本地娛樂 外地娛樂 政治時事 娛樂八掛 財經 健康 食譜 寵物 潮流 旅行 旅遊 
Microsoft Excel 2010 Training Course

Beginner / Intermediate self-paced online course of Microsoft's spreadsheet application. Enroll for just $99.
From our sponsors
李若彤 玉女 唔熱得 忽然1周 943期
Aug 23rd 2013, 14:23


嗱，金剛同豹哥咀得咁肉緊，梗要有觀眾㗎！咪就係李若彤同葉蘊儀呢兩位熟女。佢哋好似捉姦咁款，不斷講呢句對白：「咦……咁重口味㗎！」不過阿小龍女個表情好似硬軚咗啲喎。 

媽咪姐

李若彤　玉女唔熱得

由曾志偉監製嘅 TVB新劇《 M Club》近排拍得如火如荼，晚晚開夜，搞到媽咪姐都無得早啲瞓，要跟住去八吓吖嘛！

 

啱啱今個周二（ 20日）晚，又跟咗劇組去蘇豪區拍外景，見到 46歲那些年嘅小龍女李若彤，仲有 40歲、完全蛻變成師奶嘅葉蘊儀。老實講，佢兩個無拍戲咁耐，表現都算係咁！全晚無乜 NG，每個 shot都係拍幾 take就搞掂。不過出道以嚟，做開玉女嘅李若彤，真係唔多受得人間煙火，全晚見佢風扇仔不離手，由頭吹到落心口，再由心口吹番上個頭。無論等埋位、飲緊嘢定講緊電話都不斷狂吹，有無咁熱呀？
反而着晒西裝嘅豹哥單立文非常輕鬆，唔使吹風扇又唔使撥扇。不過，咁又難怪嘅，佢呢晚要與男扮女裝、魚網絲襪包毛腿嘅金剛𠵱挹，又攬又咀㗎！嘩，依家睇相都忍唔住起咗多次雞皮。 Woo，消暑嘞！各位。


有相為證，瘦蜢蜢嘅李若彤全晚揸住呢把螢光風扇成身吹，反而肥佢成個碼嘅葉蘊儀都係得閒撥下扇啫。 


最後，李若彤抵唔住熱，拉住葉蘊儀走入便利店吹冷氣，仲同媽咪姐 say hi㖭！

上周，有份拍《 M Club》嘅（左起）江欣燕、李麗珍、葉蘊儀、袁潔瑩及張慧儀為李若彤（左三）慶祝生日，表面睇，幾 friend喎！ 

金剛近排要幫女友「柑桔」陳蕊蕊反擊負心 Avis（陳偉成），但工作係要做嘅！噢，呢身打扮真係…… 100分！你睇豹哥幾咁「陶醉」。 

情到濃時，金剛同單立文仲要「咀」埋， OMG！好彩佢哋夠專業，「咀」咗 3 take啫。

「咀」完，豹哥直情興奮莫名，金剛反而有啲怕醜喎！踎咗喺地一陣，先收拾心情，睇怕收工搵「柑桔」慰藉至得嘞。 

查實導演待豹哥不薄，除咗金剛，仲有女攬！之唔係金剛個女替身囉。你望番金剛嗰條滿布紋身嘅飛毛腿，梗要搵人頂頂啦！
You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions
arrow
arrow
    全站熱搜
    創作者介紹
    創作者 koassq 的頭像
    koassq

    線上遊戲排行榜2013/2014,進擊的巨人線上看,candy crush saga外掛,正妹寫真三圍

    koassq 發表在 痞客邦 留言(0) 人氣()

    E-mail轉寄